Состојќи:

2 јајца

125 грама путер

50 мл. газирана вода

130 грама шеќер

100 чоколадо

230 грама брашно

2 супени лажици какао

1 пециво

1 ванилен шеќер

Смесата е доволна за  од прилика 18 сочни мафини.

Подготовка:

За почеток ги матиме јајцата и шеќерот со миксер, па потоа го додаваме путерот кој е исецкан на поситни парченца (за да се измати полесно) и газираната вода и продолжуваме да матиме. Се добива чудна смеса која треба да се мати додека убаво не се изедначи. Кога ќе завршиме со тоа, земаме посебен сад и го мешаме брашното со пецивото, ванилниот шеќер и какаото па ги додаваме на првата смеса, но овојпат ги мешаме со лажица. Кога добиената смеса ќе биде убваво изедначена, го додаваме чоколатото кое е исечкано на ситни парченца.

Во специјален калап* за мафини поставуваме хартиени корпички*. Смесата од мафините ги ставаме во хартиените корпички, но внимаваме смесата да не биде повеќе од половина, бидејќи подоцна ќе нарасне и ќе се излее од хартијата. Потоа ги поставуваме во веќе загреана релна на 200 степени и ги печеме 15 мин. (:

Сите состојќи и се што ми беше потребно успеав да ги купам од едно место, од Веро Центар.

*го има и во Веро и во Џамбо

*хартиените корпички ги најдов во Џамбо на вториот спрат

НО, според мене, најважно е да се забавуваш додека готвиш. Љубовта е она што ја прави храната вкусна. 

Со среќа и ти посакувам успешна работа!

Крајниот продукт: супер вкус и одлична забава. 

ПС. Фала до @simonnanana за прекрасниов колаж и што фотографираше цела вечер со нејзиниот маѓичен телефон. :* И најфала до останатите најблиски што ми го направија денот најсовршен. Ве сакам сите!  <3